Пратеникот Александар Николоски со преставници од политичката партија на Вмро Дпмне го посетија Сојузот на борци на Охрид и Дебрца. Средбата беше по повод вчерашниот Ден на востанието , 11-ти Октомври. Пратеникот Николоски оствари средба со претседателот на Сојузот на борци, Гоце Георгиески на која разгледаа неколку иницијативи кои треба да се реализираат воиднина за зачувување на спомен облежјата во Охрид и Дебрца. Николоски по средбата кажа дека доколку не беше НОВ немаше да постои Република Макеоднија. Сакав како пратеник и преставник од градот да им одадам едно лично признание на сите луѓе кои дале жртва за она што го имаме денес, истакна Николоски. 
„ Основно е генеарциите што доаѓаат да знаат дека оваа држава не е од вчера , имало луѓе кои се бореле и дале огромни саможртви. Над 200.000 македонци излегоа во Втората светска војна се бореа на правата страна и денес ја имаме оваа држава.“
Претседателот на Сојузот на борци, Гоце Георгиески во моментов не е задоволен како се одржуваат спомениците и спомен облежјата во Охрид и Дебрца. Од денешната средба со пратеникот и неговите со партијци, во иднина очекува да се заложат за подостоинствено одбележување на настаните и личностите од периодот на народно ослободителната борба на Македонија.
„ Ние единствено што сакаме и бараме е чување и негување на придобивките и традициите на НОБ. Тоа ќе го сториме ако ги одбележуваме сите значајни датуми од поблиската и далечната историја од минатото, посебно од НОВ, како што беше вчерашното одбележување на 11-ти Октомври кој се одбележа достоинствено како што доликува, и за другите личности и настани да се одбележуваат на таков начин“, кажа меѓу другото Георгиески.
Во иднина, Георгиески очекува и поголема грижа за матријалниот и социјалниот статус на околу 6.500 живи борци од НОВ, од кои 150 се од Охрид и Дебрца. Исто така се надева на подобра грижа на спомениците и спомен обележјата од НОВ, како и решавање на просторниот проблем на Сојузот на борци.
{loadposition content9}
