Продолжуваат целонеделните активности на Црвениот крст од Охрид. Неделата на Црвениот крст и Црвената полумесечна започнаа токму на роденденот на основоположникот на оваа организација, Анри Динан, 8ми Мај, а завршуваат на 15ти Мај. Бројни волонтери на Црвениот крст беа присутни на овој хепенинг и се погрижија за тој да помине во најдобар ред.
„
Денеска се одвива и традиционалната крводарителска акција под покровителство, помош и подршка на спортската обложувалница премиер голем број на крводарители се одзваа на нашиот повик, навистина им благодарам на хуманоста а и благодарам на сите овие млади луѓе, млади волонтери кои што се навистина сржта на Црвениот крст, сржта на хуманоста на Охрид, ги поканувам и сите граѓани да дојдат да членуваат во нашата организација, за секого има место, за секого има што да работи и каде да го најде своето време да го потроши во Црвениот крст.“-рече претседателот на општинската организација на Црвениот крст од Охрид, Сашо Точков.
Покрај крводарителните акции кои се белег на Црвениот крст од Охрид, денес програмата збогатена со многу повеќе активности секако подготвени од младите волонтери.
„До 15 часот имаме разни групи од Црвениот крст од младите волонтери кои што подготвија разни активности од пантомима до актерство и глумење. Денеска ни започнува и продажбата на вредносните бонови односно учесничките броеви за големата спортска хуманитарна рекреативна акција „За посреќно детство“ која ќе се реализира на 26ти Мај и која вклучува голем број на млади волонтери од нашиот град и од општината Дебрца кои што ќе се натпреваруваат во голем број на дисциплини.“-вели Точков.
Талончината за оваа голема хуманитарна акција, кои се продаваат по цена од триесет денари ќе учествуваат во голема наградна игра. Преку сто вредни награди ќе бидат доделени во втората половина на јуни, токму на Телевизија ТВМ. Како дел од активностите ќе се одрижи и голема трка низ градот која ќе ја предводат полициските единици.
{loadposition content9}
