Во просториите на Здружението на глуви и наглуви лица во Охрид, се одржа предавање на тема ,,Препознавање и справување со Семејно насилство”.
Предавањето беше во организација на Женски Центар ,,Бисера” од Охрид и Локалната агенција за развој од Струга, во рамките на проектот „Зајакнување на отпорноста на постарите лица и лицата со попреченост за време на КОВИД-19 и идни катастрофи”. Предавањето го водеше Ирина Трајаноска.
Проектот е координиран од Црвениот крст на Република Северна Македонија и Црвениот крст на Србија и поддржан од Европската Унија, Австриската агенција за развој и Австрискиот Црвен крст.
