Официјално започнува повикот за пријавување за обуките за млади за јавен говор, CV, мотивационо писмо, интервју, професионална етика, критичко размислување и емоционална интелигенција. Обуките за млади се организирани од страна на Факултетското студентско собрание при Факултетот за туризам и угостителство-Охрид и Граѓанското здружение Инклузија.
„Ова е наша втора година како што соработуваме со Граѓанското здружение Инклузија. Минатата година успешно организиравме Обуки за млади менаџери, оваа година се насочуваме на меѓучовечките вештини коишто се од големо значење за еден млад човек. Преку обуките младите ќе се стекнат со ново знаење, животни вештини, неформално образование и позитивни вредности коишто ќе им помогнат да се надоградат како личност која што во иднина ќе биде дел од бизнис секторот.“ изјави Фани Милошева, Претседателка на Факултетското студентско собрание при ФТУ-Охрид.
Сите учесници кои ќе присуствуваат на обуките, ќе се здобијат со сертификат.
Сите заинтересирани можат да се пријават најдоцна до 10.05.2023 на следниот линк https://forms.gle/RG3HiPKtPsRQHjC36 или на емаил ftu.students@uklo.edu.mk
Пријавените дополнително ќе бидат известени за термините за останатите обуки.
