Поради постоење основи на сомнение за сторено казнено дело “Недозволено изработување, држење и тргување со оружје или распрскувачки материи” СВР Охрид поднесе кривична пријава против 47- годишен охриѓанец, на кого од страна на судија во претходна постапка, одредена му е мерка притвор во траење од 30 дена.
На осми овој месец во 00 часот и 05 минути, кај лицето пронајдено е огнено оружје пиштол марка „Берета“ и оквир со 10 куршуми што во футрола го имал на појас од десната страна. Сега притворениот е забележан на булеварот „Македонски просветители“ во близина на градскиот плоштад. Кај него, по дополнително извршеното алко- тестирање утврдени се 2,22 промили алкохол во крвта. При претрес извршен во неговиот дом, а во присуство на адвокат, полициските службеници пронајдоа една рачна бомба како и вкупно 309 парчиња муниција различен калибар, дел сокриена во пластични и кутии од мобилен телефон, а дел облепени со селотејп лента, информира портпаролот на СВР Охрид, Стефан Димоски.
Пиштолот, рачната бомба и муницијата се одземени и се предадени на вештачење во Министерството за внатрешни работи во Скопје.
{loadposition content9}
