На 29.09.2022 во Охрид, полициските службеници од Одделението за недозволена трговија со дрога при СВР Охрид го лишија од слобода С.П.(41) од Охрид.
При претрес во неговиот дом, извршен со судска наредба, пронајдени и одземени се две кеси со марихуана, ќеса со кафеава грутчеста материја и повеќе таблети. Тој е приведен во полициска станица и по целосно документирање на случајот против него ќе биде поднесена соодветна пријава – информира Стефан Димоски, портпарол на СВР Охрид.