Отворена школата за млади лидери. Охрид по трет пат домаќин на овој проект, кој важи за еден од најуспешните едукативни проекти во земјава. Школата за млади лидери е лична идеја на претседателот на Р.Македонија Ѓорѓе Иванов, како би им овозможила на младите, талентирани и амбициозни луѓе од Македонија, да ги надградуваат и усовршуваат своите вештини, да ја развиваат својата креативност и менаџерски способности. „Со овој проект сакав да имам личен печат на извршувањето на мандатот на функцијата претседател на Македонија“-истакна Иванов. Додаде дека школата за млади ледери не е нешто што се учи од книга, туку од искуствата на другите кои го совладале лидерството.
„Целта е да бидеме големи луѓе“-истакна Иванов.
Голема чест и задоволство да учествува и предава на форумот му претставува на заменик помошникот на државниот секретар на САД, Филип Рикер. Тој не може да одолее на убавините на Охрид и повеќето пригоди да го посети нашиот град максимално ги искористува. А, за школата за млади лидери има посебни впечатоци.
„Ова е прекрасен форум и горд сум што бев дел од него уште од почетокот и воодушевен сум што се вратив овде трета година по ред на иницијатива на претседателот Иванов, да ги собереме на едно место младите лидери кои имаат перспектив и поглед кон предизвиците на општеството, кои гледаат во иднината во која Македонија до максимум ќе ги искористи сите свои силни страни, својот диверзитет и ресурси во регионален и глаобален контекст“.
Учество со предавање на обуката имаше и британскиот амбасадор неговата екселенција Кристофер Ивон. „Прво би сакал да кажам дека е привилегија да се биде овде, на Школата за млади лидери. Мислам дека станува збор за огромна иницијатива, мислам дека е многу препорачливо и мислам дека инспирацијата на Претседателот на РМ, да ги охрабрува младите луѓе и да ги подобрува нивните лидерски вештини, е нешто што единствено може да се слави“-рече Ивон.
Целна група на тренингот се млади луѓе на возраст меѓу 23 и 35 години, дипломирани студенти и професионалци, чиишто сфери на интерес се цивилното општество, економијата и политиката. Во програмата е застапено предавање од лидерството и менаџментот со еминентни предавачи од земјава и странство, кои доаѓаат од врвни образовни и професионални институции, политичари и парламентарци од европските земји, амбасадори, министри, претседатели на успешни компании и бизнис групации.
{loadposition content9}
