Утре во 12 часот во НУ Библиотека „Григор Прличев“ во Охрид ќе биде промовирана монографијата „Ова е мојот живот“ од познатиот македонски писател и поет Иван Трпоски од Сиднеј, Австралија. Промотор ќе биде д-р Димитар Пандев.
Издавач на монографијата е Македонското литературно друштво „Григор Прличев“ од Сиднеј, а по повод 80-тиот роденден на Трпоски, одбележан на 21 јуни, годинава.
„Ова е мојот живот“ на цели 520 страници на македонски и на англиски јазик содржи текстови кои се значаен прилог кон осветлување на голем број аспекти од животната, историската, иселеничката и творечката вистина за поетот, писателот, библиотекарот, општественикот и ентузијастот Иван Трпоски – велат организаторите.
Делото претставува интересна страница од мозаикот на македонскиот иселенички летопис на Трпоски од неговото родно Волино до Сиднеј, Австралија, но и во пошироките простори на петтиот континент.
