Прв пат на Охридско лето настапува букурешкиот театар „И.Л. Карагиале“. Претставувајќи ги младите актери, селекторот на драмската програма, Ѓорѓи Јолевски, изјави дека овој проект на публиката ќе ѝ понуди неповторливо доживување и ќе внесе свежина во драмскиот дел на фестивалот. Додаде дека, претставите на младите театарски уметници носат новина и уметнички визии што поретко може да се видат во класичните изведби, така што полетноста и креативноста се главниот сегмент на програмата „Младо театарско охридско лето.
„Арт оркестра“ на познатиот режисер од Романија Хорија Суру, кој за жал во моментов не е овде, е претстава која што е без текст и е варијација на виртуазна актерска и музичка партитура на тројца актери на сцената која ќе се случи во предворјето на црквата Св Софија денес на 28 јули на 56 издание на „Охридско лето“ – вели Јолески.
Јону Скорпач, уметнички консултант во букурешкиот национален театар, изјави дека вечерашната театарска претстава е дел од заложбите на куќата преку соодветен проект да ја обнови својата театарска понуда.
„Младите генерации на уметници, режисери, сценографи се обучуваат околу 6 недели пред да настапат на сцената имаат од 3-5 бесплатни настапи и ако Советот на националниот театар во Букурешт го оцени како добар тогаш тие влегуваат во програмата на театарот“.
Жанрот на вечерашната претстава не може да се каже дека е концерт, музичка драма, ниту импровизација или актерска игра, тоа може да се каже дека е шоу на тројца актери и 20 други партнери. „АртОркестра“ го преобразува концертот во целосна театарска претстава каде дејствата зад сцената се поспектакуларни отколку дејствата на сцената.
„Мило ми е што сум тука благодарам за поканата, ми се допаѓа Македонија Охрид и се надевам дека ќе уживате во нашето шоу. 05:39+6:51 „Режисерот ја адаптира оваа драма на одреден специфичен романски регион кој е многу близок до македонскиот начин на размислување“
Хорија Суру се смета за еден од најплодните млади романски режисери. Добитник е на бројни награди во земјата, а во текот на неговата творечка дејност престојувал и надвор од својата земја во САД, Франција, Белгија и Шпанија. Хорија Суру од 2014 година е и коосновач и уметнички директор на театарот „Греј плеј“ во Романија.
