Работилница на тема: Третман на акутен исхемичен мозочен удар, во организација на Специјализираната болница за превенција, лекување и рехабилитација на кардиоваскуларни заболувања – Охрид во соработка со Microvention Terumo , Специјализираната болница за ортопедија и трауматологија- “Св Еразмо” и Општа болница-Охрид ќе се одржи утре (16.04.2024).
Првиот дел од еднодневната работилница насловен Ендуваскуларен третман на акутен исхемичен мозичен удар со Тренинг на симулатор со инструктори Elisa Ponzeto и Khalid Berdouz е наменет за интервентни кардиолози, неуролози, неурохирурзи и радиолози.
Останатиот дел од програмот каде се сместени лекциите ( презентациите) е наменет за доктори од сите специјалности , доктори по општа медицина и студенти.
На програмата е online презентација на Д-р Саша Пјевиќ -интервентна неурорадиологија од Универзитетски клинички центар Марибор , Словенија на тема Механичка тромбектомија (аспирација) со употреба на Sofia и Sofia plus аспирациони катетри, предавање на Д-р Маја Божиновска-Смическа од СБ за ортопедија и трауматологија Св Еразмо Охрид на тема Тромболитична терапија кај акутен изхемичен мозочен удар и предавање на Доц. Д-р. Никола Бакрачески – СБ за кардиоваскуларни заболувања Охрид на тема „Да ги надминеме пристапните бариери: Лекции научени од успешните интервентнипрограми за мозочен удар“.
