Расадникот кој функционира како засебна работна единица во рамките на Ј.П.”Охридски Комуналец” располага со голем асортиман саден материјал со кој на граѓаните им овозможува да ги украсуваат и аранжираат своите дворови и тераси во секое годишно време.
Новиот Расадник за производство на декоративни растенија е лоциран во месноста “Блато”, во населбата “Рача” на површина од околу 70.000 м2 од која во моментов за користење се оспособени околу 18.000 м2.
Приспособувањето на просторот се врши постепено и во зависност од освојувањето и прилагодувањето на просторот поради специфичните услови на самиот простор за чие користење се потребни големи количини на плодна земја. Во расадникот се произведуваат околу 70 видови на декоративни садници и околу 10 видови на сезонско цвеќе.
Во моментов покрај декоративните зимзелени, листопадни и украсни дрвја, располагаат и со цветен саден материјал од зимската и рано-пролетната цветна реколта.
{loadposition content9}
