![](/wp-content/themes/yootheme/cache/b9/449107299_950325686889575_5982927063727469479_n-e1719388712249-b9244e4d.jpeg?x28309)
Благодарение на донација од страна на локални фирми, успешно заврши реконструкцијата на кровот на објект од павиљонски тип на згради при ЈЗУ Општа болница – Охрид.
Со реконструкцијата се замени стариот кров, беше извршена и замена на оштетени делови и инсталирани нови материјали за заштита од влага и временски услови.
Објектот е изграден во 1962 година и ова е прва значајна реконструкција. Оваа зграда, која ги вклучува трансфузиологија, биохемиска лабораторија, физикална медицина и рехабилитација, радиологија, болничка аптека, јавни набавки, комерција и патологија и т.н. веќе долги години служи како клучен дел на установата, изјави директорот на ЈЗУ Општа болница Охрид, д-р Асен Шајн.
![](https://tvm.mk/wp-content/uploads/2024/06/448961085_950325673556243_1961435063078541310_n-1024x768.jpg?x28309)
Така наречената економска зграда заради дотраеност и временски неприлики беше доведена до нефункционалност со што постоеше опасност за прекин на работа на неколку оддели сместени во истата. Благодарение на поддршката- донација од локалните фирми ПН МЕТАЛ ДООЕЛ со финасиски средства , како и ТУРИСТ ИЖЕНЕРИНГ ДОО со материјални средства, успешно се завршени сите потребни изведби на површина од 3 000 m².
![](https://tvm.mk/wp-content/uploads/2024/06/448960025_950325626889581_8933299126151725285_n-1024x768.jpg?x28309)
![](https://tvm.mk/wp-content/uploads/2024/06/449026834_950325643556246_4254394695918291468_n-1024x768.jpg?x28309)
Сега кровот не само што е функционален, туку истиот е значаен и во подобрување на визуелниот аспект на целокупната инфраструктура. Оваа инвестиција не само што ќе продолжи да ја подобрува инфраструктурата на нашата институција, туку и ќе обезбеди подобри услови за работа на вработените и комфорен амбиент за пациентите кои ги опслужуваме, велат од ЈЗУ Општа болница Охрид.
Од болницата изразуваат благодарност за несебичната помош и општествена одговорност на ПН МЕТАЛ ДООЕЛ и ТУРИСТ ИНЖЕНЕРИНГ ДОО.