Започна реконструкцијата на Градскиот базен „Атина Бојаџи“ во Охрид. Согласно проектот се изврши расчистување и уредување на целиот простор на Градскиот базен.
Со проектот предвидено е да се изврши подготовка, односно пескарење на површините пред нанесување на заштитна обвивка. Понатаму следува премачкување со специјализирана боја за оваа намена во два слоја. Трибините кај големиот базен кои се уништени ќе бидат санирани и оспособени за користење. Просторот околу малиот и големиот базен дополнително ќе биде хортикултурно уреден, а ќе бидат поставени и клупи и чадори – информираат од Локалната самоуправа на Општина Охрид.
Во наредниот период продолжува инвестирањето во спортската инфраструктура во СРЦ „Билјанини извори“.
