Локалната самоуправа на Охрид им даде силна поддршка на охридските ракометари за влез во ракометната супер лига. „Нормално беше да се прифати понудата од Ракометната федерација на Р. Македонија, на местото од РК Струга, во супер лигата да влезе охрисдкиот РК, и затоа со финансиска инекција од 25 илјади евра до помогнавме РК „Охрид 2011“, вели првиот човек на градот Никола Бакрачески. Тој додаде дека реализацијата на оваа финансиска поддршка следи како резултат на пошироката координација со спортските работници и со вклучувањето на бизнис заедницата.
„На општо задоволство на сите спортски работници и на стручните служби кои што се ангажирани во спортот во Лолакната самуправа, ја прифативме таа идеја да Локалната самоуправа го преземе раководењето со РК и така дојдовме до идеја во широка консултација и со бизнис заедницата без која што секако и тоа како ни е потребна нивната помош, бидејќи без нивна поддршка не ќе можеме долгорочно да го гледаме успехот на овој ракометен супер лигаш“. 
Финансиската поддршка на Локалната самоуправа за почеток е повеќе од доволна, не го крие задоволството од тоа, тренерот на РК „Охрид 2011“. Горан Андоноски. Тој доддава дека тоа треба да го возвратат во голема мерка и ги повика сите љубители на ракометот во недела во Спортската сала Билјанини извори да дојдат и да ги поддржат на вториот натпревар.
„Почнуваме без никакви нервози, голема благодарност до градоначалникот Бакрачески и локалната самоуправа кои не само што финансираа, добивме и многу други погодности“.
Градоначалникот Бакрачески уверува дека само со здрава основа и добра финансиска конструкција охридскиот ракометен клуб може долгорочно да опстојува, што е една и од главните цели на Локалната самоуправа.
{loadposition content9}
