Куќата на Робевци целосно ќе се обновува. Внатрешноста на еден од најрепрезентативните градски објекти во Охрид ќе добие нов лик, најави министерката за култура на Република Македонија Елизабета Канческа – Милевска.
Наскоро со поддршка на Министерството за култура и со донација од турската агенција за поддршка на културното наследство „Тика“ целосно ќе се обнови и ентериерот во Куќата на Робевци, во кој ќе биде претставена и реконципирана поставка, посветена на животот на ова старо охридско семејство, рече Канческа – Милевска.
Министерката рече дека Охрид како бедем на македонскиот национален идентитет и како научен и културен центар кој ја промовира Македонија ужива огромна поддршка и заштита од страна на државата. Таа додаде дека Владата на Република Македонија и Министерството за култура во изминатиот период реализираа низа капитални инвестиции преку кои настојувале да го сочуваат вредното културно наследство кое го поседува Охрид и да го промовираат во меѓународни рамки. Како што нагласи таа и овој проек е во функција на збогатување на понудата за граѓаните и странските посетители, за поттикнување на културниот, туристичкиот и економскиот развој на државата.
{loadposition content9}
