Започнуваат со функционирање спортски училишни лиги во Охрид. Од оваа сабота учениците од охридските основни и средни училишта ќе се натпреваруваат во општински, зонски и регионални натпревари. Ова денеска го најави првиот човек на градот, Никола Бакрачески.
„На мое лично задоволство и како градоначалник и како доктор тоа е еден од начините на кој што општина Охрид води грижа за правилен психомоторен и физички развој на децата кои што учат во охридските основни и средни училишта се создаваат услови за развој на спортот и стекнување на одредени спортски вештини се развива спортскиот дух и правилна социјална ориентација на децата во училиштата и во крајна линија се развива другарството помеѓу нив“ – вели Бакрачески.
Проектот се реализира во соработка со ЈП „Билјанини Извори“, со сојузот на училишни спортови како и со сите професори и наставници по физичко и здравствено образование. Проектот е рален, технички сме подготвени за започнување на лигата, вели Наум Јамандиев од сојузот на училишни спортови.
„Започнуваме со мал фудбал, меѓутоа постојат иницијативи такви лиги да продолжат и за кошарка и за ракомет со што би помогнале во развивање на спортските игри во општина Охрид. Технички правилата се одвиваат по футсал правилата 4+1 натпреварувач, со судии сме комплетно покриени“ – изјави Јамандиев.
Ја поддржуваме иницијата на градоначалникот Бакрачески и општина Охрид за отпочнување на училишните спортски лиги во фудбал за основните и средни училишта, со цел да придонесеме проектот да се реализира на највисоко ниво, вели директорот на ЈП „Билјанини Извори“, Ристе Мише.
„Во таа насока ние како ЈП ќе излеземе во пресрет со расположливите спортски ресурски спортска сала, соблекувалните, канцелариите ако се потребни за професорите по физичка култура“– додава директорот на ЈП.
Спортските училишни лиги ќе функционираат како организиран систем на натпревари кој што ќе започне со натпреварите во фудбал. Од оваа сабота од 09 до 14 часот и секоја наредна сабота во СРЦ „Билјанини извори“ ќе се одвиваат наизменично натпревари меѓу средните и основните училишта. Генерален покровител и организатор на проектот годинава е општина Охрид, која што и финансиски ќе ја поддржи оваа училишна спортска лига. Организаторите ги покануваат сите граѓани на Охрид како и сите заинтересирани за спортот да ги проследат натпреварите бидејќи имало што да се види.
{loadposition content9}
