Матурантите од средното економско училиште денес во улога на успешни бизнисмени. Тие на традиционалниот саем на виртуелни училишни компании открија само дел од своите афинитети симулирајќи најразлични бизниси. Агенции за туризам, хотели, аква паркови, компании за трговија со пијалоци, беа само некои од компаниите на кои средношколците економисти вредно работеа преку целата година.
На денешната свеченост учениците имаа можност да ги презентираат вештините, искуствата и достигнувањата стекнати во текот на образовниот процес. Организаторите на проектот повеќе од задоволни од идејата, подготвеноста и реализацијата на замислените компании од страна на средношколците. „ Интензивно се подготвувавме за саемот на училишни компании. Она што требаше да го работиме во текот на целата година, ние го направиме за еден месец“, вели професорката Царева Цветаноска. Таа објасни дека училишната компанија е виртуелана компанија која функционира во рамките по практична настава во четврта година и во која учениците оформуваат симулиран бизнис од идеја до остварување на профит.
–Бенефит од целокупната работа е тоа што учениците во овие виртуелни компании го ефектуриаат своето знаење за водење на бизнис, кое пак на најдобар начин се канализира низ вакви позитвни проекти. Учениците на овој начин се стекнуваат со практични знаења кои можат веднаш да ги применат во реалниот свет, вели професорката Царева Цветаноска.
Инаку, на саемот имаше 21 штанд од кои дел беа од паралелките од економското училиште а имаше и гости од Струга, Гостивар, Битола, Прилеп. Саемот на виртуелни училишни компани се одржа со финансиска поддршка на Локалната Самоуправа од Охрид.
{loadposition content9}
