По средбата на градоначалникот Никола Бакрачески со граѓаните од стариот дел на градов на која беа изнесени нивните проблеми од областа на инфраструктурата, охридските јавни претпријатија “Градски гробишта“ и “Ниско градба“ започнаа акција на санирање на оштетените делови низ улиците од стариот дел на градот.
Градежните активности започнаа од просторот кај малиот плоштад и ќе се одвиваат по целата должина на улицата “Коста Абраш“ до црквата Св. Софија при што ќе се преуредуваат коцките од калдрмата таму каде има нејзино оштетување, а просторот околу црквата партерно ќе се уредува. Паралелно со активностите на улицата “Коста Абраш“ се врши санација на оштетувањата и на улицата “Цар Самоил“ по што ќе се санираат и оштетувањата на сите останати улички во стариот дел на Охрид.
{loadposition content9}
