Се покриваат сцените на Антички театар и на Долни Сарај. Деновиве интензивно се работи на поставување на метална конструкција на 
овие два локалитети кои се најкористените и најпосетените отворени сцени на Фестивалот Охридско лето. Овие два проекти се изработени уште во 2013 год, вели директорката на Завод и музеј, Тања Паскали Бунташески, а средства од Министерството за култура за започнување со нивна реализација биле издвоени оваа година.
–И на двете сцени самите покривни конструкции ќе бидат изведени од челични решетки а ќе бидат покриени со плексиглас како најсоодветен материјал кој нема да го нарушува амбиентот и интегритетот на спомениците, вели Паскали Бунташеска.
Директорката на НУ „Охридско лето“, Елизабета Јанкуловска задоволна од реализацијата на овој проект. Таа вели дека оваа година ќе можат да бидат мирни и без страв дали ќе не послужат временските услови за самото 
отварање на фестивалот кое по традиција се случува на Антички, но и за останатите збиднувања во текот на тој месец и половина додека трае самиот фестивал.
–Правиме чекор повеќе, а тоа значи дека обезбедуваме соодветни сценско технички услови за сите тие видни уметници кои настапуваат на фестивалот и кои го зголемуваат неговиот рејтинг, вели Јанкуловска.
Директорката потенцира дека не е заборавена и публиката. За неа се обезбедени перничиња и кабаници доколку временските услови се неповолни. Најавува уште едно успешно издание на фестивалот со богата програма која ќе се обелодени нареднава недела.
{loadposition content9}
