Еден од главните приоритети на Министерството за животна средина и просторно планирање е финансиска поддршка на општините во поглед на финансирање проекти и програми од областа на животната средина. Со оваа поддршка годинава беше опфатена и Општина Охрид, велат од СДСМ Охрид во соопштение до јавноста.
„На Општината и се доделени 8 милиони денари со цел да започне да го решава еден од најгорливите проблеми на жителите не селата Долно и Горно Лакочереј, а тоа е изградба на примарна фекална канализациона мрежа.“ – посочуваат од СДСМ.
Потенцираат дека доколку општината целосно и навремено постапи, на жителите на овие села после долги години ќе им се реши еден од суштинските проблеми за непречено секојдневно функционирање.
Додаваат дека во поддршката на општините од страна на Владата предводена од СДСМ нема селективност и партиска обоеност кога се работи за давање поддршка во корист на граѓаните.
