Викендов во акваториумот на Охридскиот залив се одржа јахтинг регата во организација на Јахтинг клуб ОЛС-Охрид. На оваа прва годинешна јахтинг регата во склоп на “Куп за едрење на Охридско езеро“ на Едриличарска федерација на Македонија учествуваа 15-тина едрилици од клубови од Охрид и Скопје.
Се одржаа три трки согласно регатните правила. Првото место во класа до 7м го освои Никола Бараковски од Јахтинг клуб ОЛС-Охрид, прво место во класа над 7м го освои Будимир Соколовиќ од Јахтинг клуб Олс-Охрид и прво место во класа “One design“ го освои Славчо Мошоски од “Меч рејс клуб“-Охрид.
Прогласување на победниците, доделување на пехари и награди(врвно вино Вранец барик) како и пригоден коктел, се одржа пред Вила и винарија „Мал Св. Климент“ која беше и донатор на наградите.
