ОУ “Братство Единство” започна со подготовки за новата учебна година. Деновиве интензивно се работи на уредување на училишниот двор и бојадисување на оградата. 
„Правиме напори со вложување минимални финансиски средства да го направиме овој простор подобро место за учење на нашите сегашни и идни ученици. Акцијата за разубавување на нашето училиште беше поддржана и од вработените, така што дел од нив покажаа волја активно да го поминат својот годишен одмор“- изјави директорот на училиштето Муамер Доко.
Вакви и слични активности ќе продолжат во текот на летниот распуст, со цел училиштето подготвено да ја дочека новата учебна година.
