Меѓународниот ден на трудот – Први мај се наближува. Се кројат планови кој каде ќе оди и каква скара ќе направи. Оваа традиција е многу убава, но може и скапо да ве чини.
Од општинскиот инспекторат апелираат да се зачува комуналниот ред на излетничките места и граѓаните да ги почитуваат воспоставените забрани за палење на оган и приготвување на скара на отворените површини. Доколку не го сторат тоа можат да заработат казна од 50 евра. Минатата година за првомајските празници биле напишани 50-тина казни само по основ палење оган на недозволено место.
Охриѓани и покрај високите глоби тешко се откажуваат од првомајската скара. Ако не сакате да платите казна поради ваквото задоволство, скарата можете да си ја направите во својот двор или на излетничките места каде има посебно уреден простор за таа намена. Наш предлог е да го посетите Скребатно или Корита. Ем ќе си направите скара во природа, ем никој не ќе може да ве казни.
{loadposition content9}
