Потребната сума за почетокот на лекувањето во висина од 208 000 евра се собрани од приватни средства на семејството и вашите донации, и лекувањето може да започне!– објавија од семејството на Ева.
Остануваат уште 45 000 евра кои ќе бидат потребни за операција по два месеци. За таа цел, и понатаму ќе останат отворени двете телефонски линии, 143-126 на мрежата на Telekom и 143-504, преку мрежата на А1 и сметката за донации и кампањата преку платформата ecrowd.mk.
Семејството на Ева упати благодарност до сите хумани граѓани за сета грижа, љубов и несебичност во овој за нив тежок период.
