Сончево со умерена облачност

Времето денеска во Македонија претпладне ќе биде сончево со мала до умерена облачност. Од пладневните часови ќе има развој на нестабилна облачност со локален пороен дожд и грмежи.

Во Охрид умерено облачно со сончеви периоди. Утринската температура до 15 степени, а максималната дневна до 28 степени.

Во петок во повеќе места во Македонија ќе има изолирана појава на краткотрајна нестабилност. Во деновите од викендот ќе дува засилен, долж Повардарието и во источните делови повремено силен ветер од северен правец (над 60 km/h) што ќе услови намалување на дневната температура. Од понеделник дневните температури ќе бидат во позначителен пораст.