Во просториите на Национален парк Галичица – Охрид, беше потпишан Меморандум за соработка помеѓу ЈУНП Галичица и Сојуз на извидници на Македонија – Scout Association of Macedonia.
Целта на оваа соработка меѓу НП Галичица и македонските извидници и на овој меморандум е овозможување на навремено, заедничко и ефикасно спроведување на активности и имплементација на проекти и програми од интерес и значење за младите и унапредување на квалитетот на живот на децата и младите на територија на ЈУНП Галичица.
Соработката помеѓу договорените страни ќе се однесува на заеднички активности за унапредувањето на еколошката едукација, заштита на животната средина и иницирање на младинските атрактивни активности на локално ниво.
