Денеска во просториите на Општина Охрид се одржа втората седница на Советот за развој на Југозападниот плански регион, со која претседаваше градоначалникот на Охрид, Кирил Пецаков.
На седницата беа разгледани и усвоени 22 точки од дневниот ред, меѓу кои Акцискиот план за спроведување на Програмата за развој на Југозападниот плански регион за 2026 година, како и Годишниот извештај за реализација на Програмата за 2025 година со интегриран финансиски извештај.
–Посебно значајно е што беше усвоена и Приоритетната листа на регионални проекти за 2026 година, со која продолжуваме со заеднички инвестиции за рамномерен регионален развој, подобра инфраструктура и поквалитетен живот за сите граѓани од Југозапдниот плански регион, вели градоначалникот Пецаков.
Во однос на Општина Охрид беа донесени следните одлуки: Одлука за преотстапување на стоки – набавка на апарат за детекција на дефекти во водоводните цевки; Одлука за преотстапување на стоки – набавка на електричен ударен чекан и Одлука за преотстапување на стоки – набавка на режач за пилинг (Ф110–500 и Ф63–110).
