Променливо облачно и студено со умерен, повремено засилен ветер од северен правец. Претпладне на планините и на некои пониски места во источните делови ќе провејува слаб снег.
Утринските температури ќе се движат од -2 до 4, а дневни од 0 до 8 степени.
Во Скопје слично време со максимална дневна температура од пет степени.
За утре метеоролозите најавуваат променливо облачно и студено време со умерен, повремено засилен ветер од северен правец, најизразен вдолж Повардарието. Утрински температури до -8 степени.
Слично време се најавува и во наредните денови.
АМСМ СЛУЖБА ЗА ПОМОШ И ИНФОРМАЦИИ известува:
УКИНАТА ЗАБРАНА ЗА ТЕШКИ МОТОРНИ ВОЗИЛА: Забраната за тешки моторни возила на патниот правец Крак Маврово – Дебар е укината од 08:00 часот.
ЗАБРАНА ЗА ТЕШКИ МОТОРНИ ВОЗИЛА: Забрана за тешки моторни возила има на патниот правец Тетово – Попова Шапка, каде дополнително забраната важи за камиони и автобуси, а за останатите е задолжителна употребата на зимска опрема.
ПРЕКИН НА СООБРАЌАЈ: Сообраќајот на патниот правец Р1402 Струмица – Мокрино – Смолари кај Мокрински извори е во прекин поради нанос на коловозот и поплава. Екипите на Ј.П. Македонијапат работат на расчистување на коловозот и нормализирање на сообраќајот.
СОСТОЈБА: Сообраќајот на државните патишта се одвива по влажни коловози, на некои повисоки места со наместа остатоци од кашест снег на коловозот по интервенција на дежурните екипи на ЈП Македонијапат.
