Оваа сабота, членовите SUP Клуб Охрид организираа еколошката акција “СУПер чистење” со СУП даски.
На оваа акција се приклучија и членовите на Културолошка иницијатива 5 до 12, JJ Adventures и едриличарски клуб Пират. Беше исчистена плажата Лабино и околните места достапни само по воден пат.
Целта на оваа акцијата е подигнување на еколошката свест за одговорност кон езерото и природата. СУП Клуб Охрид за стоечко веслање на даска е основан во 2018. Членовите од овој клуб организираат тури и на уникатен начин им ги откриваат убавините на Охрид на странските и домашните туристи.
Целта им е преку спортовите на вода да се зголеми туристичката понуда за активности во Охрид, а воедно и да се зголеми примената на спортско-рекретивните активности.
