Претседателката на Советот на Општина Охрид Живка Ангелоска ја свика дваесет и четвртата седница на Советот на општина Охрид на ден 05.02.2019 година (вторник) со почеток во 11.00 часот. Седницата ќе се одржи во зградата на Општина Охрид.
На дневниот ред на ова издание на седницата на советот ќе се најдат 70 точки меѓу кои најголем дел се предлог одлуки за донесување на урбанистичко планска документација за вклопување на бесправн изградените објекти во охридските села. На дневен ред ќе се најде и Планот за изменување на годишниот план за вработување за 2019 година.
На седницата градските избраници треба да расправаат и за предлог одлуката за давање согласност на План за изменување на годишниот план за вработување за 2019 година како и предлог одлуката за одржување на јавната чистота на територијата на општина Охрид. Меѓу точките градските советници треба да дадат зелено светло и за програма за спроведување на општи мерки за заштита на населението од заразни болести за 2019 година.
