Ракометната селекција на Македонија ќе одигра два пријателски натпревари против репрезентацијата на Србија, а селекторот Кирил Лазаров за овие натпревари реши да повика млади таленти и играчи од домашниот шампионат.
На поширокиот состав на Лазаров се најдоа и тројца охридски ракометари кои ќе имаат шанса да се покажат и докажат на контролните средби. Станува збор за играчи на ГРК Охрид, Мартин Манасков, Михајло Младеновиќ и Мартин Ивановски.
Натпреварите ќе се одиграат на 19-ти и 20-ти јуни во Ниш.
За потсетување, Македонија обезбеди настап на следното Европското првенство кое ќе се одржи на почетокот од 2022 година. Македонија е во групата „А“ со Словенија, Данска и Црна Гора.
