Туристичките агенции можат до 8 август да се регистрираат на платформата за летување Дома си е дома. Работнците од овој туристички сектор први ја почувствуваа економската криза од пандемијата, а и најтешко се опоравуваат од нејзините последици. Агенциите до сега не беа вклучени во економскиот пакет мерки кој државата го обезбеди како помош за граѓаните и домашниот туризам за да се ублажат негативните економскиот последици од пандемијата, вели Јаким Маленко од ТА Виспој.
„Ова можеше да се реши од самиот почеток доколку се заземеше стратегија и се направеше правилник ваучерите исклучиво да се користат преку лиценцирани туристички агенции и туристички оператори. Со самиот почеток ќе бевме влучени во системот и полесно ќе ја пребродевме кризата. Со погрешната одлука ваучерот кај сместувачките капацитети бевме исклучени од системот и сме доведени на раб на егзистенција“.
Испуштена е една можност со која сите ќе беа задоволни. Туристичките агенции и туроператори со напори и преговори преку Стопанската комора и протестите издејствуваа да бидат вклучени, но постои голема неизвесност дали ќе има ефекти од задоцнетата мерка. Како ќе се справат во тешката економска криза останува на совеста и солидарноста на клиентите како ќе ги користат ваучерите за летување, вели Маленко.
„Ќе треба да почне од 10 август натака и останува да ги видиме резултатите дали луѓето ќе одлучат да ги корист ваучерите преку ТА или директно ќе ги користат во сместувачките капцитети“.
Туристичките агенци и тур операторите се најпогодени во туристичкиот сектор од пандемијата , а од државниот сет економски мерки добија само помош при исплата на минималната плата за вработените. Засега не знаат дали ќе добијат исплата на минималецот за месец јули.
