Веќе четврта година по ред Универзитетот за информатички науки и технологии „Св. Апостол Павле”, го одбележува 11 февруари, Интернационалниот ден на жените и девојчињата во науката.
Преку зборовите на проректорката проф. д-р Устијана Речкоска Шикоска, како и професорки, дипломки и студентки се потенцираше важноста на присуството на жените и девојчињата во науката, кои преку пренесените факти и искуство ги поттикнаа присутните, пред се ученици од гимназиите и стручните училишта во Струга и Охрид, подетално да се заинтересираат и информираат што би значело студирање на некој од факултетите при универзитетот.
