Утре и задутре втор уписен рок на УИНТ „Св. Апостол Павле“

На 15 и 16 септември 2026 година е вториот уписен рок за студенти во прва година на Универзитетот за информатички науки и технологии „Св. Апостол Павле“ во Охрид.

-За вториот уписен рок на Универзитетот има 129 слободни места. Идните студенти можат да изберат тригодишни или четиригодишни студии од областа на компјутерските науки и инженерството, комуникациските мрежи и безбедноста, машинската интелигенција и роботиката, информатичките системи, визуелизацијата, дигиталната мултимедијална и анимациска техника, како и дигиталната бизнис аналитика, информираат од УИНТ.

Подетални информации за слободните места, потребната документација и условите за запишување се достапни во Конкурсот за запишување студенти на прв циклус студии, објавен на веб страната www.uist.edu.mk и на социјалните медиуми на Универзитетот.