Започна монтирањето на унифицираните монтажни куќички за продажба на сувенири, подарок од Министерството за култура. Во овие времени објекти ќе се продаваат сувенири – копии на археолошки наоди од Македонија, како и промотивен материјал на Охрид. 
„Куќарките ќе се постават на три локации. Една на градскиот плоштад, една на плоштадот Крушевска република а за третата допрва Секторот за урбанизам ќе одлучи на која локација ќе биде ставена„, вели Томе Џамтоски-портпарол на Локална самоуправа
Од Секторот за локален економски развој велат дека материјалите и сувенирите кои ќе се продаваат во овие типизирани куќички ќе придонесат за промоција на туристичките вредности на градот.
Инаку овој проект на Министерството за култура започна во мај минатата година и со него предвидено е поставување на вкупно 20 монтажни куќички за продажба на сувенири во поголемите градови во земјава.
{loadposition content9}
