Заблагодарувајќи се на сите оние кои што учествуваа, ја помогнаа и поддржаа овогодинешната хуманитарна и спортско-рекреативна акција на Црвен крст Охрид „За посреќно детство“ информираме дека извлекувањето на добитниците на 50 вредни награди ќе се изврши утре, четврток, 30-ти јуни во 19 часот во соработка со Мега Продукција, велат од Црвен крст Охрид.
Извлекувањето на наградите ќе може да се следи во живо на следниот линк: https://youtu.be/f_4GRBjsUMY
Подгответе ги учесничките броеви-талончиња што сте ги купиле и следете го извлекувањето на наградите на линкот: https://youtu.be/f_4GRBjsUMY
Доколку биде извлечен бројот на Вашето талонче, истото треба да го приложите во просториите на Црвен крст Охрид за да ја подигнете наградата.
Во овогодинешната хуманитарна и спортско-рекреативна акција на Црвен крст Охрид „За посреќно детство“ беа собрани 37.750 денари, а насобраните средства ќе бидат наменети за помош во лекувањето на деца од семејства во социјален ризик.
