Во Охрид утре ќе биде официјално отворен Младинскиот Центар, согласно Законот за младинско учество и младински политики.
Младинскиот Центар е место каде ќе се подготвуваат и спроведуваат програми кои ќе ја подобруваат благосостојбата на младите, развојот на личниот, социјалниот и професионалниот живот на младите, информации од важен интерес за младите и други аспекти од животот на младите.
На настанот свое обраќање ќе имаат Градоначалникот на Општина Охрид, Кирил Пецаков; Извршниот Директор на „СЕГА“, Зоран Илиески и Раководителот на Младинскиот центар, Јован Цветкоски.
Коалиција на младински организации „СЕГА“ е избрана младинска чадор организација која ќе раководи со Младинскиот Центар Охрид во период од 3 години со поддршка на Општина Охрид.
