Во Охрид се бара вакцина повеќе против сезонскиот грип. Сите 2100 вакцини кои годинава ги набави Центарот за јавно здравје веќе се потрошени. Директорот Атанаско Михаилов вели дека ќе се потрудат да набават барем уште 200вакцини се во интерес на граѓаните.
Зголемениот интерес на граѓаните за вакцинирање се должи на зголемувањето на нивната свест колку тоа е добро за заштита на нивното здравје, вели Михаилов. Вакцинирањето е најбезбеден,, најлесен и наефтин начин на заштита од грип. Вакцината чини 400 ден., а доколку граѓаните заболат од грип ќе ги чини многу повеќе нивното лекување, потенцира директорот на Центарот за јавно здравје.
Вакцината против сезонски грип е со врвен квалитет. Таа е набавена од Германија преку фармацефтската куќа Зегин. Ги задоволува сите нормативи и стандарди на СЗО. Затоа кај граѓаните нетреба да има никакви сомнежи околу нејзиниот квалитет, вели Михаилов. Тој апелира да се почитуваат советите од лекарите за заштита од грип бидејќи овие температурни разлики кои деновиве се застапени се идеални за појава на ова заразно заболување.
{loadposition content9}
