„Вкусете го Охрид“ е прв настан на конвивиумот „Слоу фуд Охрид“ кој ќе се одржи во сабота на плоштадот „Долна порта“ во Охрид.
Посетителите, како што информира организаторот, ќе имаат можност да се едуцираат, дегустираат и купат домашна локална храна од охридскиот регион, органска храна, традиционални преработени производи, рачно изработени уникатни сувенири…
Заедно да ги откриеме локалните вкусови од охридско, да ги промовираме локалниот биодиверзитет на храна и малите производители, чувари на традиционалното знаење во производството на автентична храна, како и младите производители на иновативни производи кои ги произведуваат на одржлив начин – соопшти „Слоу фуд Охрид“.
