На отворените денови во Централниот регистер корисниците на нивните услуги најмногу се заинтересирани за прашања поврзани со новиот електронски систем за регистрирање на фирми. Најмногу прашања има за новата форма регистрационен агент адвокат кој се воведува покрај регистрационен агент сметководител, напоменува раководителот на одделението Венко Арнаудов. 
„Со најновите измени за едношалтерски и трговски друштва има нова категорија адвокати. Адвокатите ги поднесуваат сега сите видови на уписи на основање, промена и бришење во електронска форма. За сите уписи што се вршат во трговски регистер, основно е што се бунат луѓето, сите тие основање, промени и бришења се вршат во трговските регистри- електронски. Додека сите уписи, промени и бришења во регистрите на другите правни лица се поднесуваат во хартија како и досега,“ појаснува за дел од законските измени Арнаудов.
Примената на законските измени за едношалтерски и трговски друштва преку адвокати агенти започна да се применува од први ноември, подвлекува Арнаудов.
„ Откако почна електронското пријавување сметано од 2013 до денес е зголемен обемот на поднесување на пријави за основање наТрговски претпријатија и Дооел, воедно е намалено времетраењето на целата процедура од поднесувањето на пријавите , до носење на решенија. Досега беше рок од 4 часа да се основа фирма, а сега времетрањето е скратено на 2-3 часа“, информира Арнаудов.
Од први ноември досега со примена на електронскиот систем на основање фирма се запишани 100 нови фирми, подвлекува Арнудов. Додава дека одделението на Централниот регистер е отворено и во останатите денови за сите заинтересирани странки.
