Тројца кандидати во трката за директорско место на Јавната научна установа Хидробиолошки завод од Охрид.
Со завршувањето на конкурсот кој траеше до 7-ми април годинава, а по истекот на мандатот на претходната директорка на високата научна установа Ходробиоошки завод Охрид, Сузана Патчева, ТВМ ТелевиизијА неофицијално дознава дека за оваа висока позиција во игра се тројца кандидати. Едниот е Проф.д-р Талевски кој воедно е и раководител на одделот за краповидни риби при Хидробиолошкиот институт, потоа Д-р Елизабета Сарафилоска, вработена во институтот во одделот хемија, како и Д-р Сашо Трајаноски научен советник.
Хидробиолошкиот Институт, основан во 1935 година е јавна владина високо образовна и научно-истражувачка организација од национален интерес која ги покрива истражуваните субјекти на лимнологијата, како природните езера (главно) така и вештачките езера и реките. Главната преокупација е лимнологијата на природните езера на Република Македонија (Охридското, Преспанското и Дојранското), со особена нагласеност на Охридското Езеро – најстарото езеро во Европа и најголемото и најдлабоко во Македонија.
