Волонтерите од Црвен крст Охрид ја накитија Волшебната елка во Kam Village со украси и лампиони, а поставија и волшебни лампиони во кои се напишани скромните новогодишни желби на децата од социјално загрозените семејства од Охрид и Дебрца.
-Секој наш хуман сограѓанин, фирма, институција ќе има можност да избере еден или повеќе волшебни лампиони од Новогодишната елка и со цел да ја исполни новогодишната желба напишана во него, велат од Црвен крст Охрид.
Од таму потсетуваат дека акцијата трае од 15 до 25 декември, а децата своите новогодишни желби-подароци ќе ги добијат на предновогодишна забава организирана на 28 декември (сабота), околу Волшебната елка.
