Десет нови возила и за потребите на Секторот за внатрешни работи од Охрид. Од нив, по две возила се отстапени на полициските станици во Струга и Кичево а едно на полициската станица во Дебар. Во Охрид ќе останат пет возила за потребите на охридската полициска станица односно за полициската станица за безбедност во патниот сообраќај. Новите возила „Шевролет-спарк“ што значително го подновија возниот парк на СВР Охрид, веќе се ставени во функција на целото подрачје за редовно извршување на полициските активности. 
Возилата што се во полициска изведба, покрај уредите за звучна и светлосна сигнализација, имаат целосно вградена современа и неопходна полициска опрема како и нивно сервисирање во наредните три години додека трае договорот . Со нивната употреба значително ќе се зголеми ефикасноста и ефективноста на полициската служба.
Исто така, од МВР информираат дека понудувачот е обврзан за минимум гарантен период на возилата: на мотор и подвозје минимум 36 месеци на надворешен лак 3 години и на каросеријата од корозија 12 години. Покрај ова трошоците за одржување за сервисирање и потрошен материјал исто така се на товар на понудувачот.
{loadposition content9}
