Охрид се подготвува за Фестивалот на водени спортови, ќе се одржи второто издание на големата промотивно-спортска манифестација Ohrid Water Festival.
Целта на фестивалот е популаризација на водените спортови на Охридското Езеро и промоција на уникатните потенцијали со кои располага Охрид како најголем туристички центар во Република Македонија. Во рамки на спортско-рекреативниот дел од програмата предвидена е организација на 20 спортски настани.
Ќе има меѓународна едриличарска регата, пливачки митинг, Илинденска регата на кајак и кану, акватлон, подводна навигација, ватерпол турнир, игри во вода, суп трка за деца….
„Ohrid Water Festival ги обединува сите спортови на вода но и промоција на природното богатство кое го имаме и развој на локалната заедница. Една од главните цели е заштита на Охридксото Езеро, знаеме дека сите водени спортови се еколошки и нашата цел е што повеќе да имаме пловни објекти како едрилици, кајак и други еколошки кои од една страна го разубавуваат езерото, а од друга страна го заштитуваме нашето и светско богатство. Една од целите е да создадеме еден спортско туристички производ кој што ќе биде препознатлив и надвор од земјава. Сите настани во најголем дел се олимписки спортови меѓутоа и од меѓународен карактер” , вели Јоне Станкоски организација.
На промотивно спортска манифестација Ohrid Water Festival како пропратен дел на спортските настани, предвидена е и богата социјално-едукативна програма која вклучува низа интересни и забавни содржини кои ќе го привлечат вниманието на публиката. Неколку изложби и концерти кои ќе се одржат на платото кај хотелот Палас.
„Имаме и социјално едукативна и забавна програма. Од 27 август секоја вечер пред хотел Палас ке имаме забавна програма започнуваме со концерт на групата балтер а последниот ден завршуваме со Суперхикс. Помеѓу сите овие денови ќе имаме доста изложби, ден наменет за децата покрај промотивно нуркање ќе имаме и концерт на Златно славејче и концерт на децата од ОМУ Методи патчев. Многу ликовни изложби, изложби на фотографија, ден наменет за промоција и на охридксат храна со концерт на наум петрески. Една богата програма во Охрид”, додава Станкоски.
На 31-ви август, е предвидено одржувањето на „Охридскиот пливачки маратон”.
Новинар Соња Рилковска
