Второто издание на Ohrid Water Festival со богата социјално-едукативна програма
![](/wp-content/themes/yootheme/cache/2d/ohrid-water-festival-2dc38f7a.png?x28309)
Забавниот дел на фестивалот ќе стартува на 27-ми август со фото изложбата „Трпејца под вода“ на Клубот за подводни дејности и коцерт на Емилија Колоска и BALTER.
На 28-ми август од страна на Здружението на риболовци „ Свети Апостол Петар“ ќе биде организирана изложба „Видови риби во Охридското Езеро“, а за музичкиот дел од програмата ќе бидат задолжени DJ Chvare & DJ Goce Saf.
![](https://tvm.mk/wp-content/uploads/2024/07/ohrid-water-festival-2-1024x576.png?x28309)
На 29-ти август ќе биде организиранa изложба „Подводниот свет на Охридското Езеро“ од страна на нуркачкиот клуб „Амфора“. Во рамки на музичкиот дел е предвиден концерт на учесници од детскиот фестивал „Златно Славејче“, а присутните ќе може да уживаат и во концертот DISNEY подготевен од учениците од ОМУ „Методи Патче“. Истата вечер ќе се одржи и пригодна свеченост за промоција на пливачите учесници на „Охридскиот пливачки маратон 2024 година“.
![](https://tvm.mk/wp-content/uploads/2024/07/ohrid-water-festival-3-1024x576.png?x28309)
На 30-ти август ќе биде поставена изложба „Нешто сино“ од Нуркачкиот центар „Акватек“. Во организација на SLOW FOOD Охрид ќе биде организирана Промоција на охридска и македонска традиционална храна. Во рамки на музичкиот дел од програмата ќе настапат Наум Петрески, Милован Секулоски и група „Сарај“.
![](https://tvm.mk/wp-content/uploads/2024/07/ohrid-water-festival-4-1024x576.png?x28309)
На 31-ви август, на денот кога е предвидено одржувањето на „Охридскиот пливачки маратон“ за забавниот дел од програма ќе биде задолжена групата „Суперхикс“ која ќе одржи концерт во 21 часот.
Сите настани од социјално-едукативниот дел на Ohrid Water Festival ќе се одвиваат пред платото на хотелот „Палас“.