И оваа година продолжуваат конзерватоско-реставраторските активности на фрескоживописот во црквата Света Богородица Болничка. Конзервацијата започна во 2022 година како дел од годишната програма на националната установа Завод и Музеј – Охрид.
Верскиот објект со културно историско значење во близина на Долна порта, датира од 14 век, фресоживописот е насликан околу 1370 година, но низ вековите претрпел измени.
Оштетувањата се предизвикани од дождовната влага која транспортира соли врз фреските.
„Неколку години наназад се работи на реставрација, конзервација на фрескоживописот и на дел од архитектурата. Од министерството за култура се доделени средства и за фодинава. Се работи за стар фрескоживопис од 14 и 15 век но поради лошите услови влагата за да се спречи пропаѓање на фреските редовно се конзервираат под надлежност на раководителот магистер Никола Патчев.“- вели директорот на НУ Завод и музеј Охрид Горан Патчев.
Годинава за конзервации Завод и музеј има издвоени 7 милиони денари.
„Покрај конзеарвација на архитектурата рековме и фрескоживописот, кој спаѓа во заштитата на недвижно наследство , тука се и музејската дејност, тековно одржување етнолошките, историските и археолошките збирки. Годинава министерството за култура одвои околу 1 420 000 денари и заедно со средствата 5 430 000 за заштита некаде околу 7 милиони денари се одвоени во нашиот Завод за заштита на спомениците во овој дел. “– вели Патчев.
Охридскиот Завод и музеј има потреба од конзерватори реставратори , годинава се очекуваат нови вработувања.
„Стручен кадар е секогаш потребен, мегутоа тешко оди и унапредувањето и вработувањето на нови кадри се надеваме дека годинава ке имаме барем унапредување на постоечкиот кадар и запослување на неколку нови конзерватори.“- додава Патчев.
Црквата, Света Богородица припаѓа на малите еднокорабни духовни храмови од 14 век, а стариот фрескоживопис е дело на непознат локален зограф.
Црквите Света Богородица и Свети Никола, која е наоѓа веднаш до неа, охриѓани ги нарекуваат болнички, бидејќи во средниот век таму постоела болница, која се користела и како карантин за време на епидемии.
Новинар Соња Рилковска
