Заменик министерката за здравство во работна посета на Општа Болница Охрид
![](https://tvm.mk/wp-admin/admin-ajax.php?action=kernel&p=image&src=%7B%22file%22%3A%22wp-content%2Fuploads%2F2023%2F06%2FIMG_20230604_094404.jpg%22%2C%22thumbnail%22%3A%221200%2C%2C%22%7D&hash=c363a57c)
Заменик Министерката за здравство, д-р Маја Манолева денес беше во работна посета на Општа Болница Охрид.
Во рамки на денешната работна посета на оваа установа, заменик министерката за здравство, д-р Маја Манолева, разговараше со раководството за набавка на нова медицинска опрема,подобрување на здравствената услуга и квалитет, за надополнување на медицински кадар со нови вработувања и праќања нови 10 доктори на специјализација до крајот на годината.
![](https://tvm.mk/wp-content/uploads/2023/06/FB_IMG_1685864352828-1024x750.jpg?x28309)
По две години е одблокирана сметката на Општата болница во Охрид што е резултат на домаќинското работење и финансиската поддршка од Фондот за здравство и Министерство за здравство.
Во изминатите 8 месеци во болницата се вработени 32 лица од кои најголемиот број се медицински кадар, меѓу кои се 10 лекари, што треба да придонесе за зголемување на квалитетот на услугите.
![](https://tvm.mk/wp-content/uploads/2023/06/FB_IMG_1685864338652-1024x733.jpg?x28309)
“После подолг временски период од Општа болница Охрид се испратија 9 нови доктори на специјализација. Со ова почнуваме да правиме планско пополнување на одделенијата со дефицитарни специјалисти доктори, како што е педијатрија, анестезиологија, инфектологија и ќе продолжиме со праќање на нови доктори на специјализација“, истакна директорот на болницата, д-р Шајн.
Долгот е намален за околу 1 милион евра и ќе се потрудиме во периодот што претстои да се сервисира и останатиот дел.