На Факултетот за туризам и угостителство оваа академска година може да се запишат 347 студенти. Тие може избираат меѓу следниве студиски програми:
– туризам, 80 слободни места,
– осигурување 63,
– царина и шпедиција 68,
– менаџмент во услужен сектор со четири профили (финансиски, промотивен менаџмент, менаџмент во култура и логистички менаџмент) 48 места,
– гастрономија 24 и
– хотелско-ресторански менаџмет 32 слободни места.
И оваа година, активни ќе бидат студиските програми на англиски јазик, на насоките туризам и царина и шпедиција, а ќе може да се запишат по 16 студенти.
Доколку не се пополнат квотите, вториот уписен рок е на 14-ти и 15-ти септември, а третиот на 26-ти септември.
На Универзитетот за информатички науки и технологии „Св. Апостол Павле“ пак, може да се запишат 440 студенти на некои од студиските програми на петте факултети:
– компјутерски науки и инженерство,
– комуникациски мрежи и безбедност,
– машинска интелигенција и роботика,
– применети информатичко-комуникациски технологии (e-Влада, e-Бизнис, e-Култура),
-информатички системи, визуелизација, дигитална мултимедијална и анимациска техника, информациски и комуникациски системи за бизнис и менаџмент.
Првиот уписен рок на Универзитетот „Свети Апостол Павле” ќе трае три дена, 29-ти, 30-ти и 31-ви август, вториот уписен рок е на 19-ти и 20-ти септември, а третиот на 28-ми септември.
