Успешно имплементиран проектот „Pеконструкција и уредување на улица во село Горенци“.
Проектот опфати тротоарско уредување на главната улица во село Горенци, во должина од 529 метри и широчина на тротоар од 1,5 метри, а вкупната вредност на проектот изнесува 2.615,598 денари. Средствата се обезбедија преку Бирото за регионален развој, од Програмата за развој на села за 2022 година – информираше Зоран Ногачески, градоначалник на Општина Дебрца.
Согласно годишната програма за изградба и реконструкција на општинските патишта и улици за 2022 година во село Горенци асфалтирани се и две улици во должина од 411 метри, како и патот од резервоарите за водоснабдување до црквата Св. Атанасије, во должина од 289 метри или вкупно 700 метри.
