Македонија од година во година станува се поатрактивнаивна туристичка дестиницаја за светските тур оператори кои ги резервираат хотелите долж брегот на Охридското Езеро. Од 1 јануари, субвенциите од 25 евра, ќе пораснат на 65 евра за туритите, кои ќе доаѓаат со чартер летови од Израел, Австрија, Франција, Италија, Малезија, Јужна Кореја и Шпанија.
Исто така продолжува субвенционирањето за туристите од Чешка, Словачка, Унгарија, Полска и Романија, само што кај нив зголемувањето е од 25 на 35 евра. Редовно е субвенционирањето на гостите од Холандија, Белгија, Данска, Шведска, Русија, Украина, Јапонија, Индија, Обединетите Арапски Емирати и Кина. Зголемените субвенции што ги дава државата за привлекување странски туристи треба да овозможат развој на секторот, велат од Агенцијата за промоција и поддршка на туризмот. Од таму информираат дека изработиле правилник според кој се врши распределбата на субвенциите, а за годинава планирано било да се потрошат над 3,3 милиони евра за субвенционирање на туристи. Според статистичките податоци, бројот на странските туристи во последните осум години е зголемен за 100 проценти. Во октомври месец минатата година во Македонија најмногубројни биле туристите од Турција, Грција и од Србија.
